Ստեղծագործություն

Ծաղկիր ազատ իմ հայրենիք

Ս․ Գրիգորյանի «Ծաղկիր ազատ իմ Հայրենիք» (1937) բանաստեղծության խոսքերով Արտեմի Այվազյանը գրեց քայլերգ, որը լայն տարածում գտավ Սովետական Հայաստանում, կատարվում էր ՀՀ ջազ օրկեստրի, այլ նվագախմբերի կողմից, տարածվեց պիոներական ճամբարներում, կատարվում էր պաշտոնական արարողակարգերում։
1. 1947 թ․ փետրվարի 22-ին Եվրոպայի Առաջնորդ և Կաթողիկոսական Պատվիրակ Գերաշնորհ Արտավազդ Արքեպիսկոպոսը այցելեց Կրընոպլի՝ Կենդրոնական Ֆրանսա, Ալպեաններու մայրաքաղաք, հայկական գաղութը։ Այցի կապակցությամբ բոլոր արարողությունները նկարագրվեցին ՝ «Կոչնակ Հայաստանի» (ԱՄՆ, թիվ 15, 5 մարտ, 1947թ․), որը արտատպվեց Էջմիածին. Պաշտօնական ամսագիր Հայրապետական Աթոռոյ Ս. Էջմիածնի, Դ (7 -8). pp. 31-33, 1947, պարբերականներում։
Այստեղ նշվում է, որ Սբ․ Հայրապետի այցելության պատվին հանդեսի բացումն իրականացվեց Ֆրանսիական և «Ծաղկիր ազատ իմ Հայրենիք» քայլերգերի կատարմամբ։
2. Քայլերգը «Հայաստան» անվամբ տպագրվեց Հնչակյան կուսակցության կողմից 1903 թվականից ԱՄՆ-ում տպագրվող «Երիտասարդ Հայսաստան» պարբերականում (No 75, 19
53թ․ փետրվարի 10), որը այդ տարիներին լույս էր տեսնում շաբաթական երկու անգամ։
3. 2014 թ․ հայկական ջազի 75-ամյակի կապակցությամբ TM Production-ի կողմից արտադրվեց հայկական ջազի լավագույն նմուշների ձայնագրությունների CD-ների հավաքածու, որում ընդգրկված է նաև «Ծաղկիր ազատ իմ Հայրենիք» երգը՝ Հայաստանի պետական ջազ նվագախմբի կատարմամբ․ վոկալ՝ Արամ Սամվելյան; ձայնագրվել է Հայաստանի ռադիոյի ստուդիայում, Երևան, 1939 թ․։

*Կրընոպլ քաղաքը՝ Կենդրոնական Ֆրանսա, Ալպեաններու մայրաքաղաք** Տպված է․ Խմբագրական, (1947) Հայաստանյայց եկեղեցին սփյուռքի մեջ. Էջմիածին. Պաշտօնական ամսագիր Հայրապետական Աթոռոյ Ս. Էջմիածնի, Դ (7 -8). pp. 31-33.
***Արտատպած՝ «Գերաշնորհ Արտավազդ Արքեպիսկոպոսի Կրընոպլ Այցելությունը» Տիգրան Մեսրոպյան; «Հայաստանի կոչնակ», թիվ 15, 5 մարտ, 1947թ․, Կրընոպլ
****«Հայաստանի կոչնակ», քաղաքական, տնտեսական, գրական-գեղարվեստական և կրոնաբարոյական շաբաթաթերթ (1960-ից՝ ամսաթերթ)։
Լույս է տեսել 1900-1968-ին, Բոստոնում, Նյու Յորքում (ԱՄՆ, 1900-1919-ին՝ «Կոչնակ», 1919-1920-ին՝ «Կոչնակ Հայաստանի» անվանումներով)։